ಮಂಗಳೂರು: ಮಾದಕ ವಸ್ತುವಾದ ಹೈಡ್ರೋವೀಡ್‌ ಗಾಂಜಾ, ಚರಸ್‌ ಹಾಗೂ ಗಾಂಜಾವನ್ನು ಮಾರಾಟ ಮಾಡುತ್ತಿದ್ದ ಇಬ್ಬರು ಯುವಕರನ್ನು ಮಂಗಳೂರು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.
ಪಾಂಡೇಶ್ವರ ಸುಭಾಷ್‌ನಗರ 2ನೇ ಕ್ರಾಸ್‌ ರಸ್ತೆ ನಿವಾಸಿ ತೈಸಿರ್‌ ಇಸ್ಮಾಯಿಲ್‌ ಹುಸೈನ್‌ (23) ಮತ್ತು ಬಂಟ್ವಾಳ ಬೋಳಂಗಡಿ ಹೌಸ್‌ನ ರೋಯಸ್ಟನ್‌ ಕ್ಸೇವಿಯರ್‌ ಲೋಬೋ (22) ಬಂಧಿತರು.
ಆರೋಪಿಗಳು ಮಾದಕ ವಸ್ತುಗಳನ್ನು ಬೆಂಗಳೂರಿನಿಂದ ಖರೀದಿಸಿಕೊಂಡು ಬಂದು ಮಂಗಳೂರು ನಗರದಲ್ಲಿ ಮಾರಾಟ ಮಾಡುತ್ತಿದ್ದ ಬಗ್ಗೆ ಖಚಿತ ಮಾಹಿತಿ ಪಡೆದ ಪೊಲೀಸರು ಕಾರ್ಯಾಚರಣೆ ನಡೆಸಿ ನಗರದ ಶಿವಭಾಗ್‌ 5ನೇ ಕ್ರಾಸ್‌ ರಸ್ತೆಯಲ್ಲಿ ಬಂಧಿಸಿದ್ದಾರೆ. ಆರೋಪಿಗಳಲ್ಲಿದ್ದ 8 ಲಕ್ಷ ರೂ. ಮೌಲ್ಯದ ಹೈಡ್ರೋವಿಡ್‌ ಗಾಂಜಾ, ಚರಸ್‌, ಗಾಂಜಾ ಹಾಗೂ 2 ಮೊಬೈಲ್‌ ಸಹಿತ ಒಟ್ಟು 9 ಲ.ರೂ. ಮೌಲ್ಯದ ಸೊತ್ತುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಮಂಗಳೂರು ಪೂರ್ವ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Follow us on Social media
